8-sinf o`quvchisi yil oxirida quyidagi bilim va ko`nikmalarga ega bo`lishi lozim:
– iqtisodiy resurslarning ehtiyojlarga nisbatan cheklanganligi muammosi, imkoniyatlar ichidan birini yoki bir nechtasini tanlashga olib kelishini tushunib yetish;
– tanlovning muqobil qiymatini aniqlay olish va uni tanlov natijasini baholashda qo`llay olish;
– oqilona iqtisodiy qaror qabul qilish ko`nikmalariga ega bo`lish;
– ishlab chiqarish va uning omillarini tavsiflash;
– mehnat taqsimoti va ixtisoslashuvdan ko`zlangan asosiy maqsad mehnat unumdorligini oshirishdan iborat ekanligini anglash;
– har qanday iqtisodiy xo`jalik yuritish tizimi " Nima ishlab chiqarish kerak?" Qanday ishlab chiqarish kerak?" va "Kim uchun ishlab chiqarish kerak?" degan savollarga javob berishi lozimligini tushunib yetish;
– iqtisodiy tizimlarni bilish, ularning ijobiy va salbiy tomonlarini sanash va o`zaro taqqoslay olish;
– bozor iqtisodiyotining asosiy ustunlari: erkin iqtisodiy faoliyat, xususiy mulk, erkin narx, foyda olishga bo`lgan intilish, monopoliyani rad etish va raqobatning mohiyatini bilish;
– O`zbekistonning bozor iqtisodiyotiga o`tishining besh tamoyillarining mohiyatini va ularning mamlakat kelajagida tutadigan o`rnini Prezident I.Karimov asarlari asosida tushuntirish;
– Respublikamizda bozor iqtisodiyotiga o`tish maqsadida qishloq xo`jaligida, moliya-kredit sohasida, tashqi iqtisodiy faoliyatda va ijtimoiy sohalarda olib borilayotgan islohotlarni va mustaqillik davrida erishilgan yutuqlarini sanab ko`rsatish;
– Bozor tushunchasini keng ma`noda tushunish va bozor turlarini bilish;
– Talab va taklifning o`zaro nisbati asosida tovar narxining shakllanish mexanizmini bilish va uni bozorda tovar narxining o`zgarish sabablarini tushuntirishda qo`llay olish;
– Iste'molchilarning daromad manbalari va xarajatlarini bilish va bozorda o`zni iste'molchi sifatida tutishning oddiy amaliy ko`nikmalarini egallash;
– Iste'molchilar huquqlarini bilish va ularni himoya qilishda turli jamoat tashkilotlari, kasaba uyushmalarining rolini bilish;
– Turli xil mulk shakllarini bir-biridan farqlash;
– O`zbekistonda xususiylashtirish jarayonining o`ziga xos tomonlarini bilish;
– Ishlab chiqarishning umumiy, o`zgaruvchan va o`zgarmas xarajatlarini bir-biridan farqlay olish va yalpi daromad va foydani topa bilish;
– Bozor iqtisodiyoti sharoitida raqobatning mohiyati va ahamiyatini tushunish va turlarini bilish;
– Bozorlarning monopollashish darajasiga qarab farqlay olish va taqqoslash;
– Asosiy ekologik muammolarni bilish va ularning kelib chiqish sabablari va oqibatlarini tushuntira olish;
– ma’lum shartlar asosida ayirboshlashni tashkil qilish;
– tanlov natijasiga ko`ra muqobil qiymatni aniqlash;
– ishlab chiqarish imkoniyatlarini aniqlay bilish;
– talab va taklif egri chiziqlarini chizish va ular asosida muvozanat narxni topa bilish;
– talab va taklifga ta’sir etuvchi omillarni aniqlay bilish;
– oila xarajatlari va daromadlari miqdorini aniqlash va byudjetini tuzish;
– mahsulot tannarxi, ishlab chiqarish narxi, chakana va ulgurji narxlarni aniqlay bilish;
– shartli korxona misolida, uning chiqimi, daromadi, foyda va zarari, rentabelligi va mehnat unumdorligini aniqlay bilish;
.gif){kind=small}
